TALDE ANTOLATZAILEA

Natur Zientzien IV. Topaketa antolatzeko, Euskalnaturako hainbat kide bildu gara, biologiako eta ingurumen zientzietako ikasle ohiak eta egungoak. Elkartea 2007an sortu zen, eta ekintza askoren sustatzaile izan da ordutik: argazki erakusketak, mendi zeharkaldiak, hitzaldiak… Bestalde, UEUren Natur Zientzien sailaren ardura ere badu, eta harekin elkarlanean antolatzen dira udaberriko, udako eta udazkeneko ikastaroak, baita topaketa hau bera ere. 

 

Egoera ezohikoak aurtengo mendi zeharkaldiaz gozatzeko aukera ebatsi digunez, Euskal Herri zabaleko habitatak aukeratu ditugu talde antolatzaileko kideen dibulgazio gosea asetzeko. Bakoitzak baten berri eman nahi digu, bitxikeriak kontatzen, nolakoa den deskribatzen eta abar. Zein duzu gustukoen?