Mahai-Ingurua
ingurumen hezkuntzaren lekua hezkuntza formalean
Natur zientzien ikasketa eta ikerketaren etorkizuna, egungo hezkuntzak baldintzatuko du. Mahai inguru honen bidez ikasle batek bere oinarrizko hezkuntza ibilbidean zein goi mailako ikasketetan ingurumen hezkuntzarekin izan dezakeen hartu emana aztertzen saiatuko gara. Zehazki, hezkuntza formala jasaten ari den aldaketa testuinguruan kokatuz.
Oinarrizko hezkuntzaren eta batxilergoaren dekretu berriak, ETHAZI egitasmoa, 2018an unibertsitateko graduak kategorizatzeko legea… aldaketa hauetan guztietan ingurumen hezkuntzari ezarri zaion lekuaren argi-itzalak arakatzea dugu helburu.
Etapa bakoitzak berezko dituen ezaugarri eta helburuetara gerturatzen saiatuko gara eta hizlari bakoitzak etapa batetik egingo du ekarpena
maialen
sistiaga
Biologoa. Baso eskolen koordinatzailea Kutxa Fundazioan urte luzez, egun EHU-n zientzien didaktikan ikertzaile.
oier
pedrera
Biologoa. Doktoregaia ingurumen zientzien didaktikan. Gazteen ekoalfabetizazio eta biodibertsitate ezagutza ikerketetan parte hartu du.
​
oihane
garcia
Getxon jaioa 1980an. Soziologian Doktoratua eta gaur egun UPV/EHUko Soziologia eta Gizarte Langintza Saileko irakaslea, bai eta EKOPOL-Iraunkortasunerako bideak ikerketa taldeko kidea ere.
Bere lan esparru nagusienak hauek dira: teoria kritikoak, jendarte aldaketa, hezkuntza ekosoziala eta trantsizio ekosozialak. Herri mugimenduarekin batera, formakuntza politikorako esperientzietan ere parte hartu izan du.
maixa
otegi
Baso ingeniaria eta ingeniari agronomoa. Fraisoro Nekazaritza Eskolako berrikuntza pedagogikoko arduraduna
