OROKORRETIK TOKIKORA: INGURUMEN ARAZOAK KOMUNIKABIDEETAN

Betidanik landu izan dira ingurumen arazoak komunikabideetan, dena den, gizartearen interesetatik urrun samar egon izan dira orain arte. Gaur egun, ordea, etengabe jorratzen dira klima aldaketaren aterkipean. Dena den, klima aldaketa bera bezain garrantzitsuak eta larriak dira beste hamaika gai. Dirudienez, gizartea mezu horiek jasotzeko prest dago orain, inoiz baino gehiago. Testuinguru horretan, komunikazioari buruzko mahai ingurua antolatu dugu, euskal komunikabideek, orokorrek zein espezifikoek, eta zientziak ingurumen arazoak dibulgatzeko komunikazio estrategien inguruan eztabaidatzeko. Era berean, politologo bat ere izango dugu, komunikazio eraginkorrerako gidalerroen berri emateko, ingurumen arazoen testuinguruan.

Hizlariak

Algorta, Bizkaia, 1975

Euskal Herriko Unibertsitateko Politika eta Administrazio Zientzia sailean lan egiten du, eta EHUko Parte Hartuz ikerketa taldeko kidea da. Bere doktore-tesia ingurumen-politiken gaineko informazio-estrategien ekoizpenen azterketan oinarritzen da.

Izaro Gorostidi Bidaurrazaga
Izaro Gorostidi Bidaurrazaga

Gamarte, Nafarroa Beherea, 1985

Ekonomia Sozial eta Solidarioan masterduna eta Ikasketa Feministetan diplomaduna. Kazetaria da, Argian, eta Berrian aritu zen lehen. Euskaraldiaren dinamizatzen aritu da. Hainbat elkartetan dabil gaur egun, batez ere feminismoaren, euskalgintzaren eta herrigintzaren arloan.

Jenofa Berhokoirigoin Hirigarai
Jenofa Berhokoirigoin Hirigarai

Bilbo, Bizkaia, 1972

Iraskalea Euskal Herriko Unibertsitateko (EHU) Kazetaritza fakultatean. Zientzian eta ingurumenean espezializatutako kazetaria, Consumer Eroski, Muy Interesante, Radio Euskadi, edota El País komunikabideetan. Halaber, Ballena Blanca aldizkariarena eta E-ciencia.com webgunearena sortzaileetako bat izan da. Sare sozialetan oso aktiboa da, milaka jarraitzaileekin @ecienciacom ezizenarekin.

Alex Fernández Muerza
Alex Fernández Muerza
Aitziber Agirre Ruiz de Arkaute
Aitziber Agirre Ruiz de Arkaute

Gasteiz, Araba, 1974

Elhuyar Fundazioan egiten du lan, zientzia-kazetaritzaren alorrean. Une honetan, Elhuyar aldizkariko zuzendaria eta erredaktorea da, eta, aurretik, Teknopolis telebista-saioko aurkezle eta erredaktore aritu zen.

 

Biokimikan doktorea da. Biofisika Unitatean (CSIC-EHU) egin zuen bere doktoretza, birusek zelulak infektatzeko garatu dituzten mekanismoak ikertzen (polio, GIB eta gripearen birusa). EHUko Kimika Fakultatean irakasle aritu zen denbora labur batez.